Gesprochen von Katharina Fischer |
Die RentnərNach Johann Lulay |
Ansichten Liebling
 Kirche Altar 
Teilansicht der Gemeinde 
Das Heldendenkmal 
Ländliches Brautpaar / Kirchentracht 
Brautpaare : Herrisch / Baurisch 
Eltern mit Kind Kindertracht 
Der "Schnats" Kindertracht 
Kirchentracht Älteretracht 
Männergruppe anno 1886 
Bauernfamilie |
Wie´s dər aldə Rentnər geht , liewə Leit , Will ich eich vərzählə: Der hat , wie mər waas , nie kau Zeit. Wannt maunscht du hascht dei Ruh Kummt alle Tag , noch was dəzu Kritisiert werd iwər ahnə , die ganz Zeit Wauscht nimmi wie mərs machə soll , ihr liewə Leit „Hab erscht gəkehrt , jetzt sein schun widər Krimlə uf dər Ert!“ Dei Hän sein ganz vərpikt die Terkleppə sein all vərschmert, Dei frischgəwäschnəs Hemet is schun in allə Frieh vərsudlt Sitzscht vor'm Fernseh , mach'n ruhicher der is zu laut. Des Hemet ziehscht au , des do ziehscht aus, des paßt net zu deim Gwand dəzu . Dei Vogl kummt raus - mach's Hosəterche zu ! Schau dich mol im Spigl au , kenntscht dich wanmər fort gehn ə bisjə richtə Gscheert muscht au mol werrə , dei Hour kann mər schun bal Schnats flechtə . Geh dei vəschmertə Hän mol wäschə , bischt noch immər net palwiert? Kannscht machə wast wilscht s'wert immər noch schtaliert . Stell in die Mikrowell die Friehstickmilich Semml , Aprikosəlatwerch un Kaffee will ich . Də Kaffeeleffl net soo hielehə - den muß mər ableckə , Schunscht gebts ufs Tischtuch - braunə Fleckə . In də Kich muß ich schun wirər putzə , iwəral sein dei Fingrəabdruckə drau . Krieh die Schublad doch am Griff un mach sə uff . Jetz gehscht zum Aldi - holscht Käs , Salat un Rahm Kannscht mit'm Bizigl fahrə un aulossə dei Wertagsgwand. Kauf joo kə Racki , Bier, Liker orer Wai Schunscht schlofscht wirər owəds beim Fernsehə ei. Gehscht nouher zum Doktər , machscht mər au Termin Ich maun ich hun schun wirər zu viel Cholesterin . Des bringscht jetzt alləs her zack und pack Des kummt in də Miel un des anər in də geelə Sack S'Grienəs vun də Supp un die Gumrə for də Böffsalat vərhackə Un nouher, gehscht in də Kellər Pannəkuchə backə Awər Sundagsskuchə net vəgessə – Morje krigmər Gäscht. Geb acht net də Toig so fescht machə! Tuu alləs drau : Vaniliə , Zitranə un Rum au Schuß Un a ə bisje gəriwəni Muskatnuss. Broßmich - sieß un luck solls werrə Owədruf mit aun Aig schmerə , nau wertər schennər Hoscht schun də Tisch gədeckt ? - Limo un Wassər druf ? Warscht schun am Poschtkäschtchə ? Ich maun dort is was drinn , Fahrscht nouher 's Auto raus mer miss'n Wassər un Wai holə Tuscht die leirə Kischtə un die Plastikflaschə ins Auto nai . Du stinkscht schun wirər nou Knowloch - hauch jo niemand au ! Pass uf beim Fahrə - fahr net so nächscht an's forəri Auto . Mer is kalt , mach gschwind die Heizung au . Am Parkplatz aukumm "Du bleibscht dou - ich geh au Wegəlchə holə ! Waascht noch was mər kaafə missn , wu hascht den Zedl ? " Sie saat : " Ich muß an alləs denkə , fər dich aa noch ." Tumm'l dich ! Mer missn gschwind haum – mach dei Hemetknepp zu ! Oft wann's mər zu dumm kummt geh ich in də Kellər . Dort kann ich machə was ich will ret kau Sau net rei , dort hun ich mei Ruh. Zu Essə hun ich au , kennt mər au kochə , hun nur kau Tellər . Ess ich halt aus dər Pann , Bier orər Wai hun ich , trink ich au dəzu . Kumm ich nou ruff, her ich sə schun sahə "Die kummən die Tonnə holə – muschts Papier naus trahə Kumm gschwind zurick , du muscht Krumbeerə schälə un Fleisch noch kloppə. Ich , muß noch gschwind dei vərissnə Strimp stoppə . Die - was jetz au hoscht sein schun wirər nunər gəritscht - zieh sə nuf . Die Zwiewlə muscht im Kellər reeschtə , ə bisje Salz tuscht au drau Mach nouher alləs uf ! Schunscht kummt dər Gstank all ruf " Owəds um halwə elfə is Zeit zum schlofə gejə – mi'm Fernsehə is jetz Schluß „Reib mol mei Puckl mit Voltaren ei ich hun Hexəschuß. Dei Knie kanscht au eireiwə – die Hän sein eh schun fettich Nouher gehscht sə waschə – schunscht schmeerscht noch s'Bett ai! “ Die Weiwər hun sich gegə uns vəschwor , mər sein halt die gudə Aldə Un das mər net zu faul werə , wolln sie uns uf trapp halə . Sie sahn : " Wan mər nimmi sein vərsticktər all im Dreck Dann, fressn eich die Leis – nou seidər au pal wek ." Drumm pass mər uf das dər uns bəhaldə bleibt Was anrəs is jo au nix – selln sie uns noch lang durchənanər treiwə So sahn mər halt – folg mər weirər – als gudər Aldər kannscht nix machə Wann't lang lewə willscht als Rentnər , hoscht nix zu lachə Schiksalhaft ist for uns die täglich Wirklichkeit Als Rentnər bischt so beschäftigt - hoscht for nix kau Zeit . |