Gesprochen von Franz Schannen |
Die RentnərNach Johann Lulay |
Ansichten von Neusiedel
Altes Bethaus 
Kirche 
Bei der Ernte 
Beim "Kukrutzlieschen" 
Militärdienst in der Kohlengrube 
Andenken Silberhochzeit 1879-1904 
Doppelhochzeit der Brüder Schannen und Schwestern Zwergall 
Trachtenpaar 1948 
Friedhof 1994 
Kindertracht |
Wie´s də aldə Rentnər geht, ihr liewi Leit, Will ich Eich vərzähle : Der hat wie mər wees nie ke Zeit. Wannscht manscht jetz hascht dei Ruh Kummt alli Tach , noch was dəzu Kritisiert wert's immər iwər ähnə, də ganzə Tach Weescht nimmi wie mər's machə soll, des is ah Ploch „Hann erscht gəkehrt, jetzt sin schun widər Kriwlə uf də Ert!“ Dei Händ sin ganz vərpickt die Tierschlenkə alli vərschmiert, Dei frischgəwäschenes Himit is schun in allə frieh vərsudlt Sitzscht an dem bledə Fernseh, mach nə ruhichər der geht zu hart. Des Himit ziehscht an, des do ziehscht aus , des paßt nit zu deim Gwand dəzu. Dei Vogl kummt raus , mach dei Schlitz zu! Schau dich mol im Spigl an , kenntscht dich wann mər fort gehn ə bisl herrichtə Gschärt mischt ah əmol wärə , vun deinə Hoor kanscht schun bal ə Zopf flechtə. Geh dei vərschmiertə Händ mol wäschə, bischt noch immər nit palwiert? Kannscht machə was wilscht werscht immər noch staliert. Stell in die Mikrowell die Friehsticksmilich Semml, Aprikosəschmier un Kaffee will ich. Də Kaffeelefl leh nit so hin - den muscht ableckə, Schunscht gits uf'm Tischtuch brauni Fleckə. In də Kich muß ich schun widər putzə , iwərall sin dei Fingərabdrick dran. Zieh die Schublad doch am Griff un mach sə uf . Jetz gehscht zum Aldi - ich brauch Käs Salat un Rahm Kannscht mit'm Bizikl fahrə un anlossə dei Wertachsgwand. Kaaf jo ke Raki, Bier, Liker odər Wein Schunscht schlofscht widər owəds am Fernseh in. Gehscht nochher zum Doktər un machscht mər ə Termin – awər bal Weil mei Cholesterin Tablettə sin schun widər alli. Des bringscht jetzt her zack und pack Des kummt in də Mill un des anri in də gelə Sack Des Grienzeich vun də Supp un Umorkə, for də Böffsalat vərhackə Un nocher gehscht in də Kellər Pannəkuchə backə Awər gutə Kuchə nit vərgessə – morjə krieh mər Gäscht. Gib acht, mach den Taich nit widər zu fescht! Tu alləs dran Vaniljə, Zitronə un Rum ə Schuß Un ə bisl fein gribni Muskatnuß. Bresmich sollə wärrə - sieß un luck Owədruf mit em Ai schmierə , awər nett zu dick! Hascht schun də Tisch gədeckt ? - Limo un Wassər druf? Warscht schunn am Postkäschtl ? Ich men dort is was drinn, Fahrscht nochher 's Auto raus, mir missə Wassər un Wein holə Tu die leerə Kischtə un die Plastikflaschə in dei Auto ninn. Du stinkscht schun widər noch Knowl - hauch jo niemand an ! Pass uf beim Fahrə - nit so nächscht ans fordəri Auto dran. Mir is kalt, mach gschwind die Heizung an. Am Parkplatz ankumm „Du bleibscht do - ich geh ə Wagl holə! Wescht noch was mər kafə missə, wu hascht dei Zedl ?“ “Ich muss an alles denkə“, saat sə “ far dich a noch dəzu.“ Tumml dich ! Mir missə hem – Mach dei Himitknopp zu! Oft wann's mər zu dumm kummt, geh ich in mei Kellər. Dort kann ich machə was ich will , dort red mər kanər nin, do han ich mei Ruh, Zu essə han ich ah, kennt mər ah kochə , hann alləs nor kə Tellər Ess ich halt aus də Pann, Bier oder Wein han ich , trink ich a dəzu. Kumm ich no ruff, heer ich sə schun saan „Die kummə die Tonnə holə – muscht's Papier naus traan Kumm gschwind zuruck Krumbierə schelə un Fleisch kloppə Ich muss noch gschwind dei vrissni Strimp stoppə. Die wu jetzt an hascht sin schun wiedər nunər gritscht - zieh sə nuf - Die Zwiewlə muscht im Kellər reschtə ,ə bisl Salz tuscht ah dran Mach nochher alləs uff ! Schunscht kummt də Gstank alli ruff“ Owəds um halb elf is Zeit for schlofə gehn – mit'n Fernseh is jetz Schluß „Reib mol mein Puckl mit Voltaren in , ich han ə Hexəschuß Dei Knieə kannscht aa inreiwə – dei Händ sinn eh schun fettich Nochher gehscht sie wäschə – schunscht machscht noch 's Bett fettich ! “ Die Weiwər hann sich gegə uns vərschwor, mər sinn halt die gudə Altə Un das mər nit zu faul wärə, willə se uns uf Trapp halə. Sie saan :“Wann mir nimmi sinn vərsticktər Alli im Dreck Dann fressə eich die Leis – noh seitər aa bal weg.“ Drum pass mər uf daß dər uns erhaldə bleibt Weil əllenich is a nix – sollə sə uns noch lang dorchnanər treiwə Saan mər halt – folch mər weidər – als gutər Altə kannscht nix machə Wannscht lang lewə willscht als Rentnər, hascht nix zu lachə Schiksalhaft ist for uns die täglich Wirklichkeit Als Rentnər bischt so beschäfticht - hascht for nix ke Zeit. |